Fiare Banca Ética

Fiare Banca ética banketxe kooperatibo bat da, gizarte eraldaketaren zerbitzura dagoena eta diruaren balio soziala berreskuratzea helburu duena. Horretarako, hirugarren sektoreko proiektuak finantzatzen ditu eta ekonomia soziala eta solidarioa eta finantza-bitartekaritzaren kultura sustatzen du, gardentasuna, parte-hartzea eta demokrazia oinarri hartuta. Pertsona fisikoentzat kontu korronteak, aurrezki-gordailuak eta kapital soziala eskaintzen ditu. Pertsona juridikoentzat, aldiz, kontu korronteak eta hauei lotutako zerbitzuak (nominen ordainketak, esaterako), baita eragile edo enpresa sozialen finantziazioa ere.