Amillena koop elkarte txikia

Amillena (trans)formazioa eta Elikadura burujabetza gorpuzteko Herri laborategia da.

Taberna-jatetxea-denda garatzen den espaziotik proposamen poetiko-politiko bat proposatzen dugu. 

Amillena Arrazolako benta topagunea da. Tokiko herritar eta bisitarien elkargunea izanik harremanan politak eraikitzeko bitartekoak sortu eta eskaintzeko asmoa daukagu. Elkarlanaren bidez eta kooperazioaren bidez jardun nahi dugu, eta eskaintza agroekologikoa izateaz gain, kultura eskaintzeko eta bizitzeko espazioa ere bada. Formakuntzari lekua emanez. Ikasketarako leku bilakatu eta komunitatearekin zein inguruarekin lotura mantenduz eta zainduz.  Proiektua nahi batetik sortu zen. Bizimodu aukeratu bat nahi genuelako, bai pertsonen artekoa baita amalurraren loturarekiko ere. Bost gara egunerokotasunean lanean gabiltzan kideak, eta bazkide kolaboratzaileekin batera, hogeita hamaika kide gara guztira. Osasuna eta ondo bizitzea ahalbidetzeko kooperatiba gara.